En iu momento de la jaro 2005 mi estis sufiĉe malsaĝa por proponi, ke mi verku historion de Esperanto en Britujo. Tion mi proponis nur ĉar mi supozis, ke neniu alia volos surpreni sur sin tiun laboron.
Nu, la sola maniero por fini taskon estas komenci ĝin. Do iom post iom, eble en la daŭro de multaj jaroj, kreiĝos paĝoj ĉi tie kiuj prezentos jen iun tempoperiodon jen iun individuon. Mi projektas dividi la tuton al jenaj ĉapitroj:
1887-1914 – Nova sento. La Tria Kongreso, Cambridge, 1907; kaj la vizito al Letchworth
1914-1918 – Dum la milito Diversaj pioniroj (Ashley, Gale, Wackrill, Motteau); Perditaj ŝafoj (Gordon, Banham). La neokazinta Kongreso
1918-1929 – La idoskismaj jaroj John Merchant
1930-1938 – La esperantoskismaj jaroj
1939-1945 – La dua mondmilito kaj la Granda Kunloĝado
1945-1950 – Rekonstruo en nova hejmo
1951-1959 – Malvarma Milito kaj makartismo; BEA, EANA kaj la cetero Kelkaj Britaj Kongresoj
1960-1969 – La gaja jardeko; minijupoj kaj la Prezidanto de BEA William Auld
1970-1979 – Ĝis, dum kaj post Hamburgo. Bert Platt
1980-1989 – Mortas BEA, vivu EAB! Esperanto centjara
1990-1999 – Ni tamen ne bankrotis; plendoj, splitgrupoj, kaj nevidata laborego
2000-….. – Nova jarmilo en nova hejmo. La biblioteko venas al Barlaston
Karaj britaj esperantistoj, mi multe esperis trovi artikolon pri W.T. Stead en “La britaj esperantistoj”! . En 2012 estos 100 jaroj ekde lia morto. Okazos prelegoj, konferencoj ktp. pri “Titanic” – kaj aparta DUTAGA konferenco pri W.T.Stead en la Brita Biblioteko! “W.T. Stead: Centenary Conference for a Newspaper Revolutionary” (16-17an de Aprilo 2012).
Saluton,
kaj dankon pro tiu averto. Mi provos ĝustatempe pretigi ion pri Stead; tio dependos de la eblo viziti la bibliotekon post fermo de kolegio Wedgwood.