Klaso E09 Historio de Esperanto; Klaso E092 Informado pri Esperanto (unua parto)

E09 HISTORIO, KRESKO, DISVASTIGO
(Kp. E: Rilato al aliaj temoj. Aplikado¹
E(.) Historio loka E “.” Historio tempa
E22 Evoluo lingva)

E09 Verko en formo de Historio²
E09-2 Biografio³ -23 Aŭtobiografio
E09-3 Dokumento historia. Fonto⁴
E09-32 Oficiala, originala⁵, arĥiva.
E09-33 Dokumento literatura⁶, pli-malpli rilata (taglibro, korespondaĵo⁷)
E09-36 Tradicio (parola aŭ socia)⁸
E09-4 Jura. Leĝo.
E091 Frua historio. Komenco. Origino. Genezo. Fondo. (E069.5 Pioniroj)⁹

E092 PROPAGANDO. REKLAMO. DISVASTIGO
(Kp. UDK 659.1)
[E092 (06) Propaganda Ligo¹⁰]

E092.001 Neceso, psikologio, organizo¹¹
E092.001 (083.74) “1972.08” Principaro de Frostavallen¹
E092.001 : 061.3 “1972.08” Frostavallen — seminario pri informado ¹
E092.003 Elspezoj publicaj. Kosto¹²
E092.004.6¹³ Mispropagando. Agado nedezirinda, evitenda. Averto, ekz. “Ne trograndigu”
092.009.02 Obĵetoj, kontraŭargumentoj ¹ ekz. E092.009.02 : 172.1 patriotisma obĵeto al Esperanto
E092.02 Manieroj¹⁴ de diskonigo¹⁵
E092.021 Rekta. Al preterpasanto
E092.022 Poŝta¹⁶
E092.023 Domporda¹⁷
E092.024 Perioda, ripetita¹⁸
E092.072 Vidpunkto de propagandisto. Spertoj¹⁹
E092.073 Vidpunkto de la publiko
E092.08 Efiko. Sekvo ²⁰

E092.1/9 PROPAGANDAJ RIMEDOJ. PROPAGANDILOJ
(Kp. IIB 659.1)²⁰

E092.1 Organizo²¹
E092.12 Propaganda Oficejo²²
E092.12 (100) Internacia Propagandejo Esperantista²³
E092.12 (4) Eŭropa Esperanto-Centro, Bruselo⁴
E092.13 Prepara klopodo
E092.14 Agkampo²⁴
E092.15 Persona agado. Vizito. Invito. Persvado²⁵
E092.16 Propaganda vojaĝo
E092.2 Presservo.²⁶ Leteroj al la gazetaro
E092.3 Porokula. Skriba
E092.31 Anonco. Reklamo
E092.312 Redakt[ad]o
E092.312.5 Slogano
E092.317.2 En gazeto, ĵurnalo²⁷
E092.32 Prospekto, cirkulero (E093 Flugfolio)
E092.33 Afiŝo (=)^{28 29}
E092.331 [Fiksita]. Sur afiŝejo, muro, fenestro.
E092.331.2 [sur] kolono [reklama]
E092.331.3 [sur] tabul[eg]o
E092.332 Elpendaĵo, blazonŝildo
E092.333 Panelo
E092.335 Karto
E092.339 Plako
E092.34 Moviĝanta
E092.342 Sandviĉulo
E092.343 Reklamveturilo³⁰
E092.346 Flosaĵo, ŝipo (Kp. E095.3 Ŝipo kun esperanta nomo)³¹
E092.347 Balon[eg]o, aviadilo
E092.348 Sur tramo, omnibuso³²
E092.35 Lumanonco³³
E092.351 Konstanta
E092.352 Alternanta
E092.353 Projekcia³⁴
E092.354 Ekrano movebla³⁵
E092.355 Travidebla
E092.355.1 Lampiono
E092.355.2 Vertikala. Bildo
E092.355.3 Horizontala. Pavimo travidebla³⁶.
E092.356 Spegulo³⁷
E092.357 Per gaslumo
E092.358 Per gaso maldensa. Neonlampo
E092.359 Per materialo fosforeska, lumdona. Piroteknikaĵo³⁸

1 Do jen eĉ plia difino de E: !

2 Tiu maldiafana indiko verŝajne signifas “verko diakrone (t.e. laŭ-tempe) aranĝita”

3 MCB tre bedaŭrinde ne uzis E09-2 kaj E09-23; li aranĝis ĉion imageble biografian, ĉu kun ĉu sen rilato al E., en unu alfabetorda sinsekvo, ĉe 92. La biblioteko nun iom post iom malfaras tion.

4 La du lastaj vortoj estas tajpe aldonitaj. MCB uzis, kaj tion saman ni konsilas, E09-3 kaj ĝiajn dividojn por verkoj pri dokumentoj historiaj; la dokumentoj mem estu ĉe sia temo

5 Pli ĝuste origina, t.e. primara, ne derivita.

6 Tiu vorto mane aldonita en marĝeno

7Taglibro (kaj, plej ofte, korespondaĵo) estu pli bone ĉe E09-23

8 La numero estas tajpe ŝanĝita. MCB kredeble celis tion, kion oni nun nomas parola (aŭ buŝa) historio. Kiam tio rilatas al la parolanto, ĝi estu ĉe E09-23

9 Ni malkonsilas uzi E091, ĉar per ĝi la frua historio starus post la pli freŝdata (E 09 simpla), kio ne havas sencon. Tiun malordon kaŭzas la fakto, ke MCB uzis por Historio 9 anstataŭ la 94 kiun oni trovas en UDK, kio inversigas la ordon.

10 Ni lasis tion sensanĝa, proponante forigi ĝin, ĉar ĝi ŝajnas duoblaĵo de E092.12

11 Antaŭe, respektive, (013), (015), (016)

12 Antaŭe .03; mise, ĉar tio ne estas maniero de diskonigo.

13 Antaŭe (018.5)

14 Antaŭe modoj, kio, eĉ se prava, kredeble ne havas intencitan sencon

15 La dividojn de .02 oni povas oportune uzi, kie tio havas sencon, tra la tuto de E092.

16 Ni proponas redifin tion Cirkulera, amasa kun dividoj
022.1 Paperpoŝta 022.2 Radia
022.4 Televida 022.6 Interretmesaĝa
022.8 Interretpaĝa
al kio povos eble aldoniĝi pliaj.

17 t.e. laŭ kolportista maniero, per neanoncita aliro al la hejmoj de la homoj

18 Tiu ero estas tajpe aldonita

19 La lasta vorto estas tajpe aldonita

20 La noto pri komparo estas tajpe aldonita. Ankaŭ en UDK la komparo validas.

21 Ĝuste tiel, sen sufikso, ĉar la dividoj kunmiksas organiz-adon kaj organiz-aĵojn. La dividoj .13 ĝis .18 estas altajpitaj

22 La biblioteko uzas E092.12 ankaŭ por la nocio “propaganda organizaĵo” , t.e. Organizaĵo aparta, ekzistanta nur por publico pri E, do sen, ekzemple, membroservoj, eble ankaŭ sen membroj.

23 Nova ekzemplo

24 .13 kaj .14 ŝajnas mislokitaj; .12, .15, .16, .18 estas specoj de agado, sed .13 kaj .14 estas detaloj de agado. Necesas ia rearanĝo; ekzemple, krei dividon E092.01 Specoj de agado, kun dividoj .012, .015, .016, .018, kaj alian E092.03 detaloj de agado, kiu enhavu la nunajn .03/.08, .13 kaj .14

25 Eblus obĵeti, ke ankaŭ propaganda vojaĝo estas persona (distinge de kolektiva) agado. Kredeble, surbaze de la ceteraj vortoj, la intencita signifo estas “al-persona agado”, t.e. varbado de unuopulo fare de unuopulo

26 “Presservo” estus servo de presado (aŭ al presado). Pli bone “Gazetara Servo”, se kolektiva, aŭ, se unuopula, “leteroj al la gazetaro”, kiel jam tekstas.

27 Anstataŭ tiu unu iom orfa divido, preferindus dividi paralele al E092.02, laŭ elektita medio

28 Ĉi tie en la presita teksto aperis ekzemplo E092.33=2 Afiŝo en angla lingvo, sed tio ne taŭgas, ĉar E092.33=2 devus signifi “anglalingve pri afiŝoj”; do por indiki lingvon de afiŝo necesas ia decimala divido, ekzemple E092.330.2/.9, tiel ke eblu indiki, ekzemple, E092.330.4=2 Anglalingve pri franclingvaj afiŝoj

29 La dividoj de E092.33 estas altajpitaj; la vortoj interkrampaj estas nove aldonitaj

30 t.e. Veturilo speciale aranĝita kiel reklamilo. Distinge, E092.36: 629.114.5 Reklamo sur aŭ en aŭtobuso

31 Presite, erara vorto Flotaĵo. MCB aldonis tajpe ŝipo; la komparo estas nove aldonita

32 Tiuj vortoj, altajpitaj, anstataŭas presitan tekston ne plu legeblan. Oni vidu tamen la noton 11

33 Ĉio ĝis inkluzive .354 estas retajpita. Estus bone ie en .35 fari lokon por la nocio Iranta tekstostrio (tio, kion oni ofte vidas en montrofenestro). Tamen ĉiuj numeroj estas uzitaj, do necesus ion forigi aŭ rearanĝi

34 Supozeble tekst(ar)o aŭ bild(ar0o kiun projekciilo (nevidata) ĵetadas sur ekranon (vidatan)

35 Iom enigme, MCB tajpis “Ekrano, ŝirmilo, movebla”; la dua vorto eble eniris pro influo de la dusignifa anglalingva vorto screen.

36 En britaj urboj ekzistis, kaj kelkloke ankoraŭ ekzistas, aranĝo per kiu pavimero, kutime en trotuaro, farita el tre fortika vitro, ebligas eniron de lumo al senfenestra kelo; tiu afero estis multkaze malfermebla tiel ke ĝi estu ankaŭ fuĝvojo por kazo de incendio k.sim. Sur tiujn eblis alfarbi ankaŭ reklamon.

37 Ĉi tie MCB altajpis “(travidebla, k.a.).” Ne klaras, kion tio signifas.

38 MCB altajpis la lastan vorton.