Walter Andrew Gale naskiĝis 1855.11.09 kaj mortis 1924.12.20. Multajn jarojn (1875-1911) li soldatis, en inĝeniera korpuso, en Barato; li tie atingis kolonelan rangon.
Tie li povis konstante sperti lingvan diversecon kaj la rezultajn problemojn; kaj eble tio kontribuis al lia esperantistiĝo, kiu okazis en 1907. Reveninte al Anglujo li turnis sian atenton al la esperanta literaturo; interalie li verkis konkordancojn por du zamenhofaj tradukoj, Sentencoj de Salomono kaj Marta (de E. Orzeszko). Verkante li uzis la pseŭdonimon Ŭoago.
Bonvenon al la Biblioteko Butler! 